DEFINE MEANING part 2

akala ko late ako ngayong araw na ito. wala pala si sir bernard. sinamantala naming lahat ang oras para tapusin ang worksheet sa math at ang business letter sa english. nag-ep kami. ayos lang naman ang klase. nag-gitara sa likod ng room at paulit-ulit na kinanta ang "MINSAN" ng Eraserheads. nagrecess kami ni jonell sa neptali. nagkantahan naman ang mga classmates namin ng hillsongs pagbalik namin. nag math kami. si sir hapit talaga! palibhasa laging wala sa amin. nagcheck kami ng worksheet. out of 40, 28 ako! aba naman, aba naman. naglunch kami at pagkatapos ay bumili ng tubig. nagliwaliw na naman kami sa sci. bldg. nagpaka-ewan para lang makapanira ng araw ng mga bata. pagbalik namin ng room, tumambay sandali, si jonell naman, biglang nawala. sumulat ako ng message ko para kay echo doon sa b-day card niyang 1/2 illustration board ang sukat. tumulong ako kanila abby, babes at krizzia sa paggugupit ng mga pangdecorate sa bulletin board ng main bldg. nakita si max at inayang pumunta na sa presby. sinundo din namin si jonell sa library na nagtetest. pagdatin doon, balak sana naming magpractice ni max pero hindi ko nagawa kasi sinet-up ko pa yung effects nung gitarang gagamitin ko. nung nagsimula yung fellowship, tumakas ako para bumalik sa school. wala lang. trip lang. sinundo ko doon si madi. naglabasan kami ng sama ng loob sa mga tao sa paligid namin. pumuntang presby pero inaya ko pa siyang magliwaliw sa school kasi inaantok ako eh. tumambay kami sa round table. nakatulog ako nang napagod ako sa kakatanong tungkol kay annoying girl at annoying boy. bumalik kami ng presby at saktong closing song na. makakatugtog na ako sa wakas! yun na nga. nung nag-wa-one way na kami. bigla akong napalingon sa mga umattend.....nakita ko SIYA. at kasama niya si clara at higit sa lahat ang ate niya. si ate deb. waaaaaaaa. para pa naman akong ewan kapag tumutugtog. sinabayan ko sila pagbaba. nagsorry SIYA kasi late daw sila. as in sobrang late daw. nagkakilala din sila ni ate baby. at si ate baby naman, anglakas mang-asar! inaya din ako ni ate baby para sa sunday service pero sabi ko hindi ako sigurado. unti-unti pa, bigla ko ba namang nabanggit na nagpunta ako sa church nila SIYA_ _ _ nung sunday. waaaaa. kaya daw pala ako wala sa presby nung sunday. tae! nakakaloko talaga ang mga tingin niya hanggang sa lumabas ako ng church. hinatid naman namin sila sa sakayan. kasabay ko na naman si clara syempre. may sasabihin daw siya sa akin. sabi ko naman, "baka naman hindi na dapat sinasabi ang mga ganyang bagay.". sinabi niya na tulad ng pagtatanong ko sa kaniya tungkol kay SIYA_ _ _, nagtanong din daw SIYA_ _ _ sa kaniya tungkol sa akin at kung ano ang mga sinabi ko kay clara kagabi. sinabi niya rin na ako na daw dapat ang unang mamansin kasi nahihiya daw SIYA_ _ _. nako. ok lang. sige. kung yun ang gusto niya. nabanggit ko naman na paiba-iba talaga ang isip ni SIYA_ _ _. sabi ni clara, baka naman magbago pa SIYA. pinilosopo ko SIYA. alam ko kasing mahirap mangyari yun. salit-salitan nga yata ang araw na umaayon sa gusto ko at ayaw ko. dismayado na naman ako.
nasabi rin niya na nainis daw si SIYA nung nalaman niya yung tungkol sa sinabi ni rovee kay sheila. hindi naman daw totoo yun at saka wala daw karapatan si rovee na makialam sa kaniya.

una, akala ko magiging napakawalang kwenta ng araw ko. pero ayos lang. at least nalaman ko. na kahit yata sa sarili ko lang, may pag-asa pa. ayoko lang mag-isip agad habang wala pang nangyayari.

i'll hope for the best na lang. kahit na manghinayang pa ako sa bandang huli.

sana hindi naman.